„Eruð þið ekki bara alltaf að leika ykkur?“ : hugmyndir og þekking unglinga á starfsemi félagsmiðstöðva.

Tómstunda- og félagsmálabrautFélagsmiðstöðvar hafa verið starfandi á Íslandi síðan árið 1957 og vinna þær aðallega að forvarnarstarfi og munu ætíð gera það. Hlutverk starfsmanna hefur breyst og þróast með árunum og í dag er hlutverk þeirra meðal annars að vera jafningi unglinganna, vera til staðar og ráðleggja á faglegan hátt. Gerð var lítil rannsókn og tekin voru viðtöl við átta unglinga á aldrinum 13-16 ára og þau meðal annars spurð að því hver væri tilgangur félagsmiðstöðva, hlutverk starfsmanna, hvað þau hefðu lært á því að taka þátt í starfi félagsmiðstöðva og hvaða eiginleika góður starfsmaður eigi að hafa. Helstu niðurstöður rannsóknarinnar benda til þess að unglingarnir hafi takmarkaða þekkingu á tilgangi félagsmiðstöðva og á hlutverki starfsmanna, en þau segjast læra ótal margt á því að taka þátt í starfinu. Í ritgerðinni er einnig fjallað um þær breytingar sem eiga sér stað þegar einstaklingur gengur inn í unglingsárin, gildi tómstunda og það nám sem á sér stað í félagsmiðstöðvastarfi